​Qeveria arsyeton vendosjen në karantinë të veriut: Janë 16 raste me COVID-16

1,277

Qeveria e Kosovës më në fund ka reaguar për situatën e krijuar në veri pas vendosjes në karantinë të Mitrovicës veriore dhe Zveçanit, nga ana e Qeverisë së Serbisë.

Ushtruesi i detyrës së ministrit në detyrë të Punëve të Brendshme, Xhelal Svecla përmes një statusi në Facebook, ka arsyetuar këtë vendin, pasi që thotë se kjo ka ndodhur për shkak të 16 rasteve të testuara pozitivisht meCOVID-19.

Ai thotë se janë në koordinim të plotë me kryetarët atje, por edhe me KFOR-in dhe se janë të vendosur për ta luftuar koronavirusin, i cili sipas tij nuk njeh as komb, as fe.

Ky është reagimi i plotë i Sveçlës:

Komuna veriore e Mitrovicës dhe komuna e Zveçanit janë vendosur në karantinë për shkak të 16 rasteve të testuara pozitivisht me Covid-19. Sipas vlerësimeve dhe kërkesave të ekspertëve shëndetësorë, Ministri i Shëndetësisë, z. Arben Vitia, në bashkërendim me të gjitha Institucionet ka ndërmarrë vendimet dhe masat e duhura gjithnjë. Ai është në kontakt dhe komunikim të vazhdueshëm me dy kryetarët e këtyre dy komunave dhe autoritetet përgjegjëse. Unë, si ushtrues i detyrës së Ministrit të Punëve të Brendshme dhe Administratës Publike, dhe Drejtori i Policisë së Kosovës, z. Rashit Qalaj, jemi në koordinim të plotë me Ministrin Vitia. Po ashtu bashkëpunimi me KFOR-in është permanent dhe tejet i mirë. Të gjitha institucionet përgjegjëse po përcjellin situatën pandërprerë në mënyrë që reagimi i tyre të jetë konform gjendjes.

Po bëjmë gjithçka tërë kohën për të parandaluar përhapjen e Coronavirusit, i cili nuk njeh kombësi, fe, rajon apo moshë. Jemi të përkushtuar që t’ju shërbejmë të gjithë qytetarëve pa kurrfarë dallimi.

Shteti ynë ndodhet para sfidës me të cilën shumë vende në mbarë globin po ballafaqohen. Mbrojtja e shëndetit dhe jetës së qytetarëve ndodhet mbi të gjitha. Që ne të jemi sa më të suksesshëm në këtë qëllim ne ftojmë të gjithë të kontribuojmë në tejkalimin e kësaj situate duke përsëritur apelet e Institutit Kombëtar të Shëndetit Publik e jo duke shpërndarë dezinformata apo informata të paverifikuara.

Vazhdojmë, me kujdes, pa panik.

Comments