10 mijë faqe dokumente dhe prova dëshmie për krimet e Serbisë, do të dorëzohen para drejtësisë

71

Jetlir Zyberaj, këshilltari politik i ministrit të Punëve të Jashtme në dorëheqje, Behgjet Pacollit, përmes një shkrimi të bërë në llogarinë Facebook, ka thënë se një ndër synimet kryesore të Pacollit, ka qenë edhe dëshmia e krimeve të luftës të kryera nga Serbia gjatë gjenocidit të saj dhe sundimit të aparteidit në Kosovë.

“Mbledhja e dokumenteve dhe materialeve të tjera të rëndësishme që tregojnë barbarinë e Serbisë ka qenë një element kryesor i punës.

Rreth 10 mijë faqe dokumente dhe prova janë gjetur që nuk janë trajtuar ende nga drejtësia ndërkombëtare.

MÖBEL THEMA

Për shkak se ata dështuan ne duhet të vazhdojmë dhe të ndjekim kriminelët e luftës”, ka shkruar Zyberaj.

Ai tutje ka thënë se shumë shpejtë këto dokumente do të dorëzohen, për ta zbardhur të vërtetën e terrorit serb.

“Në ditët në vijim, gjatë një takimi me Prokurorin Special të Kosovës, këto dokumente dhe prova do të dorëzohen me qëllim sjelljen e kriminelëve serb të luftës para drejtësisë. Duke i kuptuar edhe limitet qe ka sistemi ynë i drejtësisë, bashkë me prokurorinë do të gjejmë zgjidhjen e drejtë që kriminelët të nxierren para ligjit.

Në një kohë kur ata që mbështesin Millosheviçin marrin çmimin Nobel dhe mohimi i masakrave dhe akteve gjenocidale të kryera nga Serbia konsiderohen si normalitet, ne duhet të flasim dhe të ri-kujtojmë botën për atë që ndodhi në Kosovë”./Indeksonline/

Comments