Aksident i rëndë në Klos, një i vdekur dhe një i plagosur

Një aksident me pasojë vdekjen ka ndodhur në aksin rrugor Klos-Dars.

Një makinë ka dalë nga rruga dhe për pasojë ka humbur jetën pasagjeri 33-vjeçar me iniciale Q.V.

Shoferi i makinës ka pësuar dëmtime pa pasoja serioze për jetën.

Ai u shoqërua nga uniformat blu për t’u marrë në pyetje në lidhje me rrethanat e këtij aksidenti.

Shkaqet e ngjarjes janë të paqarta, teksa grupi hetimor mblodhi provat në vendngjarje për zbardhjen e shkaqeve.