Edhe një person po testohet për koronavirus në Shkup, ka ardhur nga Dubai

259

Ministri i shëndetësisë, Venko Filipçe, gjatë ditës së sotme ka deklaruar se një person i cili ka ardhur nga Dubai, është pranuar në Klinikën infektive me simptome të gripit dhe po bëhen testime për koronavrius.
Ai tha se pacienti ka qëndruar gjashtë ditë në Dubai.
“Pak më parë është pranuar një pacient i cili ka qëndruar gjashtë ditë në Dubai, ka simptome të gripit dhe për dy apo tre orë do të dalin rezultatet”, tha Filipçe.
Filipçe edhe njëherë apeloi që qytetarët të anulojnë fluturimet për në vendet kritike nëse nuk kanë ndonjë nevojë urgjente. Pohoi se Qeveria do të merr vendim që t’i anulon të gjitha udhëtimet zyrtare në këto zona dhe deklaroi se vendi ka sasi të mjaftueshme të maskave mbrojtëse.

Comments