Fitime marramendëse të farmacisë mbi kancerin në Zvicër

147

Në vitin 2018, ilaçet kundër kancerit Zvicrës i kushtuan rreth 1 miliard franga. Trajtimet janë faturuar më shumë se 80 herë nga kostot e tyre të prodhimit, ka bërë publike të dielën RTS në emisionin “Mise au Point”, informon Albinfo.ch

Kanceri është tregu i së ardhmes për farmacinë. Çdo vit në Zvicër, 40.000 persona mësojnë se kanë kancer. Si rezultat, farmacitë po luftojnë për të filluar trajtime të reja. Shumat e përfshira janë të konsiderueshme.

Rimbursimet për një pacient të vetëm që trajtohet kundër kancerit kanë tejkaluar 74 milionë franga. Ndër 15 trajtimet që peshojnë më shumë në sigurimin bazë, katër ilaçe kundër kancerit tregtohen nga grupi i Bazelit Roche, një nga udhëheqësit botërorë në treg.

MÖBEL THEMA

Nëse fatura përfundimtare është aq e lartë, kjo është rezultat i kostos vjetore të trajtimit për pacient që tejkalon disa mijëra franga, informon Albinfo.ch. Shpesh kalon edhe shumën prej njëqindmijë franga.

Bëhet fjalë për fitime të majme, shifrat e të cilave farmacitë nuk i zbulojnë. Framacitë duhet të fitojnë diçka, por është qesharake që të ketë fitime aq të larta, kur nuk ka një treg konkurrues”, ankohet Profesor Thomas Cerny, president i kërkimeve zvicerane kundër kancerit, informon albinfo.ch.

Në Zvicër, çmimet e medikamenteve janë negociuar dhe vërtetuar në Zyrën Federale të Shëndetit Publik (OFSP). “Nëse mbështetemi në koston e kërkimit dhe zhvillimit, çmimi i disa barnave nuk është i justifikueshëm”, pranon një zëdhënës i OFSP-së. “Nga ana tjetër, nëse mbështetemi në bazën tonë ligjore, ky çmim korrespondon me kriteret tona të ekonomisë”, thotë ai.

OFSP bazohet në dy kritere: çmimet në 9 shtete evropiane dhe krahasimi terapeutik, d.m.th. çmimet e medikamenteve të tjerë të përdorura në trajtimin e sëmundjes.

Comments