Irani arreston ambasadorin britanik ndërsa qethej te berberi, ja për çfarë e akuzon

162

Ambasadori i Mbretërisë së Bashkuar në Iran u arrestua gjatë protestave antiqeveritare në Teheran, pasi zyrtarët atje pranuan se qëlluan aksidentalisht me raketë avionin ukrainas të pasagjerëve.

Rob Macaire u mbajt për tre orë, ndërsa Mbretëria e Bashkuar e cilësoi këtë veprim si “shkelje flagrante të ligjit ndërkombëtar”.

Ambasadori britanik po përcillte protestën. Teksa kthehej në ambasadën e Mbretërisë së Bashkuar, ai u arrestua ndërsa ndaloi në një dyqan berberi për një prerje flokësh.

MÖBEL THEMA

Sekretari i Jashtëm britanik, Dominic Raab tha se “arrestimi i ambasadorit në Teheran pa asnjë bazë dhe asnjë shpjegim, është shkelje flagrante e ligjit ndërkombëtar”.

“Qeveria iraniane është në një udhëkryq”, tha sekretari Raab. “Ajo mund të vazhdojë ecjen e saj drejt statusit të të përjashtuarit me gjithë izolimin politik dhe ekonomik që kjo sjell me vete, ose të ndërmarrë hapa për të ulur tensionet dhe të angazhohet në një rrugë diplomatike përpara”, tha ai në një komunikatë të lëshuar nga zyra e tij.

Gazeta iraniane Etemad ndau një fotografi të ambasadorit në Twitter pasi agjensia e lajmeve Tasnim raportoi arrestimin e tij.

Comments