“New York Times”: Trump dërgohet në bunker pas kërcënimeve të protestave rreth Shtëpisë së Bardhë

101

Presidenti Donald Trump të premten në mbrëmje është dërguar në bunker nën Shtëpinë e Bardhë, pasi protestuesit kanë avancuar dhe është njoftuar kërcënim për sigurinë e tij, ka bërë të ditur “New York Times”.

Duke u thirrur në pohimet nga persona të sigurisë dhe atyre zyrtar, gazeta mëson se Trump në bunker është gjetur diçka më pak se një orë dhe pastaj përsëri është kthyer në vendin e punës.

Sipas burimeve, me presidentin kanë qenë edhe zonja e parë Melania Tramp dhe djali i tij Baroni.

Ndryshe, mbrëmë në Uashington ka kaluar edhe nata e tretë e protestave për shkak të vrasjes brutale të afrikano- amerikanit Xhorxh Flojd në Mineapolis.

MÖBEL THEMA

Skenat dhe shenjat e fundit të jetës të Flojdit ishin kapur nga kamera edhe pse kalimtarët dhe personat të cilët xhiruan treguan se njeriu nuk merr frymë, ndërsa polici ende e mbante qafën e tij të shtrënguar me këmbë.

Kjo sjellje e policisë shkaktoi reagime në mbarë Amerikën, nxiti racizmin e përfaqësuesve të bardhë drejt afrikano-amerikanëve në SHBA, gjendje e cila nuk ka ndryshuar me dekada.

Në Uashington mbrëmë, mijëra demonstrantë janë mbledhur në dy blloqe nga Shtëpia e Bardhë në parkun Lafajet, ku ka pasur disa zjarre të ndezura, ndërsa disa dyqane në këtë biznes dhe pjesë elitare të qytetit ishin grabitur.

Policia ka tentuar të dëbojë protestuesit jashtë parkut dhe më larg nga Shtëpia e Bardhë duke përdorë gaz lotsjellës.

Protestuesit e tërbuar, kanë shkatërruar madje dyqanin e njohur të modës Monkler.

Comments