Pamje nga stuhia e tmerrshme në Evropë

384

Qindra fluturime janë anuluar sot në Gjermani për shkak të një stuhie të fortë në veri të Evropës ku të paktën një person ka vdekur.

Dhjetëra-mijëra shtëpi kanë mbetur pa energji për shkak të erërave dhe janë shkaktuar shumë dëme materiale.

Stuhia Sabine në Gjermani, e cila në vendet tjera evropiane njihet si Kiara, po lëviz nga perëndimi në lindje të kontinentit, ndërsa godet Ishujt Britanikë, Francën dhe po përhapet në lindje, në Poloni.

Në Suedi, një njeri vdiq dhe një tjetër konsiderohet i zhdukur pasi një anije u përmbys në Liqenin Svenljunga të dielën për shkak të erërave të forta, tha sot policia.

Shërbimet meteorologjike kanë paralajmëruar nivele të larta të detit në brigjet e Danimarkës, Norvegjisë, Suedisë dhe Finlandës.

MÖBEL THEMA

Në Mbretërinë e Bashkuar, e cila u godit më shumë nga stuhia, trafiku ajror, hekurudhor dhe detar u ndërprenë nga shiu i fortë dhe erërat me shpejtësi 130 km/orë.

92,000 familje kanë mbetur pa energji elektrike, ndërsa Met Office regjistroi shpejtësinë e erës 150 km/orë në Aberdaron, një fshat në Uellsin verior.

Tre persona në Skoci u lënduan kur çatia e një lokali u shemb.

Një hotel në Hawick, Skoci, u dëmtua për shkak të erës së fuqishme, transmeton KosovaPress.

Comments