U.d. i drejtorit të Zyrës për Kosovën në Qeverinë e Serbisë, Marko Gjuriq, citohet të ketë thënë sot se delegacioni i Serbisë është i gatshëm që në Bruksel, më 26-28 shkurt me përfaqësuesit e autoriteteve të Kosovës të bisedojë për formimin e Bashkësisë (Asociacionit) të Komunave Serbe (AKS-së) dhe rreth vrasjes së Oliver Ivanoviqit.Sipas tij nuk ka çështje më të rëndësishme se AKS-ja, ajo është temë mbi tema, u ka thënë ai gazetarëve, raporton FoNet, transmeton Koha.net.
Sa i përket vrasjes së Ivanoviqit, Gjuriq ka thënë se delegacioni i Beogradit pret përgjigje në shumë pyetje, por nuk ka saktësuar se cilat janë ato pyetje që pritka përgjigje Beogradi.
Gjuriq ka thënë se shqetësohet nga heshtja e bashkësisë ndërkombëtare ndaj deklaratës së kryeministrit të Shqipërisë, Edi Rama, mbi mundësinë e politikës së përbashkët Prishtinë-Tiranë, duke e konsideruar këtë si pretendim territorial ndaj shtetit tjetër.