Në dhjetë muajt e parë të këtij viti, në buxhet hynë 3.8 miliardë euro taksa dhe kontribute, një rritje prej 260 milionë krahasuar me vitin e kaluar, tha Elena Petrova, drejtoreshë e Drejtorisë për të Ardhura Publike. DAP-i gjithashtu vuri në dukje një rritje të parregullsive. Janë shqiptuar mbi 6,000 gjoba, 61 kallëzime penale dhe më shumë se 60 milionë euro taksa shtesë pas kontrolleve.
“Mbledhja e taksave dhe kontributeve në 10 muajt e parë të vitit arriti në 3 miliardë e 800 milionë euro, që është 260 milionë euro më shumë se e njëjta periudhë e vitit të kaluar. Mbi 6,000 gjoba janë shkruar për shkelësit e dispozitave ligjore, dhe ne kemi ngritur 61 kallëzime penale për dyshime të ngritura ndaj akteve juridike, kryesisht evazion fiskal ku vlerësojmë se është shkaktuar dëm material në buxhetin prej 13.9 milionë EURo”, tha Elena Petrova – Drejtore e DAP-it.
Drejtoresha e DAP-it, Elena Petrova, tha se rimbursimi i TVSH-së për kompanitë rrjedh pa pengesa. Ajo shpjegoi se procesi është dinamik, sepse bëhen korrigjime në deklaratat e tatimpaguesve dhe kontrollet tatimore në baza ditore. Në fushën e rimbursimeve për qytetarët përmes aplikacionit “Moj DDV”, Petrova informoi se nga dje janë paguar 552 milionë denarë, dhe janë përgatitur urdhra për 370 milionë denarë shtesë, të cilat do të realizohen në periudhën e ardhshme.
“Rimbursimi i TVSH-së vazhdon në mënyrë të vazhdueshme deri më 27 nëntor, pra me datën e djeshme është realizuar një rimbursim prej pothuajse 500 milionë euro, janë paguar 497 milion euro nga buxheti në bazë të rimbursimit të TVSH-së, kam folur vazhdimisht për temën se ky është një proces i vazhdueshëm, megjithëse fletëparaqitjet e TVSH-së dorëzohen më 25tin e muajit, ne çdo ditë kemi bilance të reja, bëhen korrigjime në fletëparaqitjet, si nga kontrollet tatimore dhe vetë tatimpaguesit, dorëzojnë korrigjime të fletëparaqitjeve të tyre dhe ato përpunohen”, shtoi Elena Petrova – Drejtoreshë e DAP-it.
Petrova sqaroi se vonesa në pagesë mund të ndodhë për shkak të problemeve teknike, që nuk varen nga DAP, siç është llogaria e pavlefshme e transaksionit të qytetarit. /Alsat.mk