Mbrojtësi i Kombëtares shqiptare, Elseid Hysaj prej kohësh është në qendër të vëmendjes të klubeve të mëdha evropiane. Ditën e djeshme ishte e përditshmja sportive “Mundo Deportivo” e cila zbuloi interesimin e Barcelonës për mbrojtësin shqiptar i cili ka bërë paraqitje të shkëlqyer me Napolin.

“Panorama Sport” ka publikuar 5 arsyet përse Hysaj mund të transferohet në “Camp Nou”:

1-Mosha e re dhe eksperienca që ka fituar me Napolin janë elementë që e favorizojnë lojtarin e Kombëtares shqiptare të transferohet te Barcelona.

2-Ai ka cilësi shuam të mira në duelet “një kundër një”, çka i shërben klubit katalanas dhe është mjaft apozicional dhe i saktë faktikisht. Ky element është i fortë te Barcelona pasi kohet e fundit Vidal e ka parë veten në stol pikërisht prej përshtatjes së dobët taktike.

3-Një arsye më tepër që të besosh këtë transferim është që Barça është e gatshme të bëjë dy goditje në krahun e djathtë pa u kursyer financiarisht.

4-Hysaj mund të rritë konkurrencën në skuadër pasi aktualisht nuk ka asnjë kandidat të denjë.

5-E ardhmja e Luis Enriques do të jetë një faktor vendimtar nëse do të afrojë mbrojtësin shqiptar pranë klubit katalanas.

Sigurisht që bëhet fjalë për merkaton e verës por Barcelona ka nën vëshgim lojtarët me të cilët kërkon të afrojë në skuadër./ SYRI.net