Kryeministri i Kosovës, Ramush Haradinaj ka vlerësuar se letra që presidenti i SHBA-ve, Donald Trump i ka dërguar sot atij të Kosovës, Hashim Thaçi është një lajm i mirë për vendin tonë.
Në një postim në Facebook, Haradinaj ka shkruar se SHBA-të nga fillimi ishin përkrahësit më të fuqishëm të Kosovës, dhe të tilla vazhdojnë të mbesin.
Më poshtë postimi i Haradinajt:
Letra e Presidentit Trump është lajm i mirë për shtetin dhe popullin e Kosovës.
ShBA që nga fillimi ka qenë dhe vazhdon të jetë përkrahësja më e fuqishme e shtetit të Kosovës, sovranitetit dhe integritetit territorial të saj.
Si Kryeministër i Qeverisë së Kosovës mbështes fuqishëm çdo përpjekje për unifikim të qëndrimeve të spektrit politik dhe përgatitjeve të shpejta për përmbylljen e marrëveshjes gjithpërfshirëse ligjërisht obligative ndërmjet dy shteteve, Kosovës dhe Serbisë.