Ngritet aktakuzë ndaj mësuesit që ja preu flokët nxënësit në Gjilan

Eshtë ngritur aktakuzë ndaj mësuesit që gjatë orës së mësimit si shenjë ndëshkimi i ka prerë flokët nxënësit.Kështu bëhet e ditur në njoftimin e Prokurorisë së Gjilanit.

“Prokuroria Themelore në Gjilan,, ka ngritur aktakuzë ndaj mësimdhënësit XH.E., për shkak të veprës penale ‘’Keqtrajtimi gjatë ushtrimit të detyrës zyrtare ose autorizimeve publike’’.

“Sipas aktakuzës, më 6 shkurt 2020, në shkollën fillore ‘’Dëshmorët e Kombit’’, në fshatin Livoq i Ulët, komuna Gjilan, i pandehuri XH.E., si mësimdhënës, ka keqpërdorur detyrën dhe autorizimet zyrtare, në atë mënyrë që derisa ishte duke mbajtur orën e mësimit, fillimisht e pyet të miturin F.B., se pse nuk i kishte flokët, pastaj kërkon nga ai që të merr një karrige dhe në prani të nxënësve të tjerë ia pren flokët, ku pas reagimit nga i mituri, i njëjti kishte filluar që ta fyente.”, thuhet në njoftimin e prokurorisë.

Gjithë ngjarja ishte incizuar nga një nxënës i klasës, i cili pastaj e kishte shpërndarë videon nëpër rrjetet sociale, ndërsa, prokuroria pas publikimit të kësaj video ka filluar hetimet lidhur me këtë çështje.