50 apo 32 milionë për hyrje në autostradë – kush po mashtron?

Qeveria Kurti ka shfuqizuar vendimin për zgjatjen e punimeve në Autostradën ”Arbën Xhaferi”. Ndaj këtij vendimi, ka reaguar ish-ministri i Infrastrukturës, Pal Lekaj. Sipas tij, shfuqizimi i këtij vendimi është bërë pa asnjë analizë. Për 50 milionët që ia përmendi Abdixhiku thotë  se nuk bëhet fjalë për një shumë të tillë, meqenëse asnjëherë nuk është caktuar shuma e saktë. Më herët, Ministria e Financave kishte përmendur shumën prej 32 milionësh që mund të kushtojnë dy kyçjet në autostradë.

Gazeta Express

Ish-Ministri i Infrastrukturës, Pal Lekaj ka thënë se vendimet për kyçje në autostradën Prishtinë-Shkup janë marrë gjatë qeverisjes së Mustafës, derisa shton se edhe ky vendim është marrë pa asnjë analizë nga “qeveria e mashtruesit”, duke aluduar kështu për kryeministrin Albin Kurti.

“Nuk është i vetmi vendim që me kaq arbitraritet dhe pa asnjë analizë po merret nga qeveria e mashtruesit. Populizmave të kësaj qeveria do t’iu dalë ngjyra shumë shpejt dhe do të zhveshen nga këto maska. Një ditë do të kuptohen të vërtetat e veprimeve të tyre hakmarrëse e në dëm të investimeve të nevojshme e që kanë qenë të parapara në secilin segment të jetës shoqërore. Vendimet për kyqje kanë qenë të ish-qeverisë Mustafa, të rikonfirmuara nga qeveria jonë si të nevojshme për rajonet në fjalë.”, ka thënë Lekaj për Express.