Raportohet se presidenti amerikan, Donald Trump, i ka “bërtitur” kryeministrit të Australisë gjatë një bisede telefonike dhe pastaj ia ka mbyllur telefonin.

Washington Post raporton se Trump i ka bërtitur kryeministrit të Australisë, Malcolm Turnbull, për shkak se ky i fundit kishte insistuar se SHBA-ja duhet ta lë të paprekur marrëveshjen për refugjatët të arritur mes Australisë dhe Barack Obamas.

Trump madje e ka quajtur bisedën telefonike me Turnbull si më të keqen deri më tani. Trump ka pasur biseda telefonike me disa liderë të rëndësishëm botërorë, përfshirë dhe me presidentin rus, Vladimir Putin.