Gostivar: Gjendet drogë në apartamentin e një studenteje turke

Droga psikotrope, metilen dioksimetamfetaminë, mefedron dhe marihuanë, u gjetën gjatë një kontrolli në një shtëpi në Gostivar ku ndodhej një studente, shtetase e Republikës së Turqisë.

Siç kumtoi Drejtoria doganore, gjatë kontrollit, të kryer me urdhër të marrë nga zyra e prokurorit kompetent, inspektorët e Departamentit të Hetimit gjetën gjithsej gjashtë tableta me nga 0.29 gramë droga psikotrope, 1.63 gramë mefedron, marihuanë dhe dhjetë fara kanabisi.

“Gjatë procedurës para-hetimore, u përcaktua se studentja ka marrë një dërgesë ajrore të dërguar nga një person fizik nga Belgjika, regjistruar si “shënim”. Pas marrjes, i dyshuari e hapi dërgesën dhe i hoqi drogat prej saj. Në të njëjtën kohë, inspektorët doganorë, me urdhër të prokurorit publik, kryen një kontroll, gjatë të cilës u gjet droga”, theksohet në kumtesën.

Me urdhër të prokurorit publik, drogat e sekuestruara u dorëzuan për ekspertizë në Ministrinë e Punëve të Brendshme, ku u përcaktua lloji i substancave.

Kundër të dyshuarës, Departamenti i Hetimit ngriti kallëzim penal në Prokurorinë Publike të Gostivarit për veprën penale “Prodhim dhe shpërndarje e paautorizuar e drogave narkotike, substancave psikotrope dhe prekursorëve”, e dënueshme sipas nenit 215, paragrafi 1 i Kodit Penal.