25 vjeçarja Daorsa Spahija, vdiq tragjikisht në Tetovë më 6 nëntor.
Dyshohet se ajo u vra nga i dashuri i saj.
Të paktën, kështu pretendon miku i të ndjerës i cili përmes llogarisë në Instagram, dha detaje lidhur me rastin e rëndë.
E në kërkim të drejtësisë për Doarsën do të protestohet të dielën më 23 nëntor.
Kjo protestë sipas organizatorëve do të nisë nga ora 12:00.
“Daorsa u la e pambrojtur nga institucionet e Maqedonisë së Veriut. Shteti i Kosovës duhet të angazhohet dhe të veprojë me vendosmëri”.
“Ne nuk ndalemi derisa të vendoset drejtësia”, thuhet në mesazhin e organizatorëve të protestës transmeton Klankosova.tv.