Ish-deputetja e Partisë Demokratike të Kosovës, Ganimete Musliu ka folur për rrugëtimin e saj politik.
Ajo në emisionin “DPT te Fidani” në Klan Kosova tha se investimi më i madh ka qenë në fillim njohja e vetes.
“Investimin më të madh politik që e kam bërë të aktivitetit dhe angazhimit tim, ka qenë në fillim njohja e vetvetes, pranimi i vetvetes dhe puna me vetveten”, tha ajo.
Musliu tha se shprehet lirshëm dhe njëjtë edhe udhëton, siç u shpreh “pa bodyguard”.
“Kur unë e kam pranuar veten kjo që jam, kur unë e njoh shumë mirë veten time dhe e kam një ndërgjegje super të pastër, unë punojë lirshëm, shprehem lirshëm, bëj politikën lirshëm, udhëtoj lirshëm, pa bodyguard, pa truproje”.
“Pa u frikësu se i kam dikujt borxh që ma zë rrugën dhe në momentin që unë ndjej liri absolute, atëherë çdo pengesë është e tejkalueshme”, tha ish-deputetja e PDK-së./Klankosova.tv