Pse Kina do të goditet rëndë nga tarifa 25% e ShBA-së ndaj Iranit

Presidenti Donald Trump ka deklaruar se vendet që bëjnë biznes me Iranin do të përballen me një tarifë të re prej 25%.

Ky njoftim duket se nënkupton se mallrat nga Kina, një partnere e madhe tregtare si e Iranit ashtu edhe e SHBA-së, do të bëhen dukshëm më të shtrenjta për t’u importuar.

Tarifa e re mund të çojë në një normë minimale prej 45% për mallrat kineze, krahasuar me normën aktuale prej 20%.

Ministria e Jashtme e Kinës e kritikoi këtë hap të martën.

“Qëndrimi i Kinës ndaj tarifave është shumë i qartë: nuk ka fitues në një luftë tarifash dhe Kina do t’i mbrojë me vendosmëri të drejtat dhe interesat e saj legjitime,” tha për gazetarët zëdhënësja Mao Ning.

Gjatë 11 muajve të parë të vitit 2025, Kina eksportoi mallra në vlerë prej 6.2 miliardë dollarësh drejt Iranit dhe importoi 2.85 miliardë dollarë, sipas të dhënave të doganave kineze.

Këto shifra nuk përfshijnë blerjet e naftës, të cilat Kina nuk i publikon. Analistët vlerësojnë se Kina ka përbërë mbi 90% të tregtisë së naftës së Iranit vitet e fundit, e importuar përmes ndërmjetësve.

Lufta tregtare mes SHBA-së