Remzie Osmani gati “të godasë” me projekte të reja muzikore

Këngëtarja e njohur Remzie Osmani ka ndarë me ndjekësit një lajm të ri rreth projekteve të saj muzikore.

Përmes një postimi në rrjetet sociale, ajo ka bërë të ditur se shumë shpejt do të publikojë tre balada të reja, të cilat, sipas saj, janë këngë që i ka ndjerë thellë dhe i ka interpretuar me shumë shpirt, shkruan Indeksonline.

“Tri balada po vijnë… janë këngë që i kam ndje fort dhe i kam këndu me shpirt”, ka shkruar ajo.

Artistja ka treguar se këto projekte do të publikohen një nga një brenda pak javësh.

Në fund, ajo ka falënderuar publikun për mbështetjen e vazhdueshme, duke theksuar se ata janë gjithmonë pjesë e zemrës së saj.