Detajet tronditëse dhe rrëfimi i yllit të NBA-së: Ishte në prag të vdekjes, pësoi 12 goditje në tru dhe 6 sulme në zemër

Njëmbëdhjetë vjet pas ngjarjes së tmerrshme, është publikuar një dokumentar për Lamar Odom.

Odom, i cili kishte përdorur kokainë në ditët para urgjencës së tij mjekësore, pësoi dështim të veshkave, disa sulme në zemër dhe 12 goditje në tru. Ai ra në koma dhe u vendos në aparatura për mbështetje jetësore në një spital në Las Vegas para se të rifitonte vetëdijen.

Ai flet hapur në intervistën e tij më të sinqertë deri tani, duke zbuluar se e ka rimenduar atë që ndodhi në një bordello në Las Vegas atë mbrëmje fatale.

Legjenda e basketbollit tani beson se dikush mund ta ketë helmuar qëllimisht, duke shfrytëzuar dobësitë e tij të njohura për drogë dhe gra. Ai sqaroi se nuk ishte një goditje tradicionale, por dikush që i dinte dobësitë e tij dhe vendosi t’i përdorte ato kundër tij.

“Dua të them, mendo pak, shpjegoi Odom në intervistën e tij të fundit. Nuk mora kokainë atë natë. Dhe ti bëre testin për të. E kupton çfarë po them? Nuk ishte një lloj goditjeje e tipit kumbar, por mendoj se dikush e dinte që kisha varësi”, tha Odom.

Odom, është një lojtar legjendar në NBA ku ka luajtur për skuadrat si Los Angeles Clippers, Miami Heat, Dallas Mavericks dhe Los Angeles Lakers ku pati suksesin e tij më të madh duke fituar 2 tituj të NBA në vitet 2009 dhe 2010./IndeksOnline/