Është klasifikuar si “potencialisht i rrezikshëm” për shkak të madhësisë së tij sa kulla Burj Khalifa në Dubai dhe afërsisë relative me Tokën, por mos u shqetësoni.
Trupi qiellor 2002-AJ129 ka një diametër prej rreth 500-1200 metra dhe sot në mbrëmje rreth orës 23:00 do të arrijë distancën minimale nga planeti ynë: 4.2 milion kilometra.
Por fenomeni do të jetë i dukshëm për disa ditë. Kjo është një distancë rreth 11 herë më e madhe se ajo që ndan Tokën nga Hëna, por është reduktuar sa duhet për ta bërë trupin qiellor të dukshëm për teleskopët amatorë.
Para se të humbasë ndriçimin, asteroidi do të qëndrojë para syve për disa netë, ndërkohë që do të kalojë yjet e Raven dhe Virgjëreshës.
Kalimi i tij gjithashtu mund të shihet online, në orën 23:00, në sajë “free streaming” të Observatorit Virtual Telescope Astronomical e Ceçano (Frosinone).
Ky asteroid u zbulua më 15 janar 2002 nga astronomët e programit Neat.
Ai është në kategorinë e asteroideve “Near-Earth” (pranë-Tokës) dhe, siç u përmend tashmë, në kategorinë e “potencialisht të rrezikshëm”, sepse orbita e tij qëndron 7.5 milion km nga planeti ynë.
Ai ecën me 34 kilometra në sekondë, duke fituar një vend midis asteroideve më të shpejta të vërejtura ndonjëherë në afërsi të Tokës.
“Ne kemi monitoruar këtë asteroid për më shumë se 14 vjet dhe ne e dimë orbitën e tij shumë të saktë. Llogaritjet tona tregojnë se asteroidi nuk do të përplaset me Tokën më 4 shkurt dhe nuk do ta bëjë këtë në 100 vitet e ardhshme”, shprehet Paul Chodas, drejtor i Qendrës për Studime në organet pranë Earth.