Abdixhiku: Studentët rrëzojnë regjime, përcaktojnë epoka dhe nuk blihen

Kryetari i LDK-së, Lumir Abdixhiku, ka reaguar pasi Zyra e Kyreministrit në emër të kryeministrit në detyrë, Albin Kurti u nisi mesazh në telefona privat studentëve, duke i njoftuar se u kanë dalë nga 100 euro.

Abdixhiku e ka quajtur ‘sms cringe’, këtë veprim të Kurtit, duke shtuar se studentët drejtojnë epokë e rrëzojnë regjime, dhe se nuk blihen.

“Studentët drejtojnë kohë, rrëzojnë regjime e përcaktojnë epokë.”, ka shkruar ai.

E plotë:
Të ardhmen që ua vodhi, në shtetin më të varfër e më të izoluar në Evropë, me arsimin ndër më të fundit në botë, provon t’ua blejë me 100 euro për votë – tre ditë para balotazhit.

Një regjim i frikësuar dhe në rënie të lirë, po trajton studentët e Kosovës si material shitblerje zgjedhor. Studentët drejtojnë kohë, rrëzojnë regjime e përcaktojnë epokë.

Prandaj, këta SMS ‘cringe’, para zgjedhjeve nuk blejnë as heshtjen, as shpresën. As votën.

I keni nënçmuar.

Do t’iu kthejnë përgjigje këtë të diel me votë. [💙]

Kosova është shumë e mençur se sa po e trajton kryepopullisti sot!