I riu që shkaktoi aksidentin e së dielës mbrëma në në zonën e Kamzës do të qëndrojë pas hekurave në vijim të hetimeve ndaj tij.

Gjykata e Tiranës dha sot ndaj tij masën e sigurisë “arrest me burg”, duke pranuar kërkesën e prokurorisë.

Avokati i Arnold Kolës, deklaroi se klienti i tij shfaqi pendesë duke thënë se gjithçka ishte aksidentale.

22- vjeçari, djali ish- deputetit socialist Ndue Kola, drejtonte në gjendje të dehur makinën tip fuoristradë “Lexus” në afërsi të shkollës “Ibrahim Rugova” në Kamëz, kur përplasi furgonin e policisë, që patrullonte me 20 km/orë në anë të rrugës, duke shkaktuar vdekjen e efektivit të policisë Ervin Haxhia 42 vjeç, ndërsa u plagosën Besmir Voi dhe Neil Hoxha./a.y/noa.al