Arben Frroku ka dalë sot para Gjykatës së Amsterdamit në Holandë, duke refuzuar që të ekstradohet në Shqipëri, i cili kërkohet nga autoritetet e vendit tonë.

Ai është dënuar me burgim të përjetshëm nga Gjykata e Apelit e Krimeve të Rënda për vrasjen e kryekomisarit Dritan Lamaj në vitin 2013. Frroku u shpall i pafajshëm nga Shkalla e Parë e Krimeve të Rënda dhe më pas u arratis nga Shqipëria para se Apelit të ndryshonte vendimin.

Ai u kap në Holandë për përdorim të dokumenteve false dhe u njoftuan autoritetet shqiptare, të cilat kërkojnë ekstradimin e tij për të vuajtur dënimin me burg përjetë. Vendimi për ekstradimin ose jo të tij do të jepet pas dy javësh, raporton ABC News.