Dy maqedonas, janë arrestuar nga Policia e Elbasanit pasi iu gjetën 101 gr heroinë në makinën me të cilën po udhëtonin, transmeton Telegrafi Maqedoni.

Policia njoftoi se iu vunë prangat V. T, 35 vjeç, banues në Strugë të Maqedonisë dhe A. T, 38 vjeç, edhe ai banues në Strugë Maqedoni.

Këta shtetas, u arrestuan nga efektivat e policisë, pasi në aksin rrugor Librazhd-Prrenjas, në afërsi të fshatit Hotolisht, gjatë kontrollit të ushtruar në mjetin tip “Jaguar” me regjistrim të Strugës, u gjetën dhe u sekuestruan në cilësinë e provës materiale:

101.20 gramë, lëndë narkotike e dyshuar me atë të llojit kokain.
6 telefona
10 karta SIM
një sasi kartëmonedhash denari të Maqedonisë
automjeti tip “Jaguar”

Materialet i kaluan Prokurorisë së Krimeve të Rënda në Tiranë për veprime të mëtejshme për veprën penale “trafikimi i narkotikëve, kryer në bashkëpunim”, parashikuar nga nenet 283/a dhe 25 të Kodit Penal të Republikës së Shqipërisë./Telegrafi/