Arrestohen tre të dyshuar për vrasje në tentativë në Prishtinë, gjatë aksionit policia ka konfiskuar edhe disa armë

Policia e Kosovës ka njoftuar se të enjten në Prishtinë janë arrestuar tre persona të dyshuar për vrasje në tentativë.

Policia ka treguar se tentativa kishte ndodhur pesë ditë më parë.

Sipas raportit të policisë, të arrestuarve i janë gjetur edhe disa armë.

“Lidhur me rastin është raportuar se me 18.09.2025 janë arrestuar tre të dyshuar meshkuj kosovarë dhe gjatë kontrollit në vendbanimet e tyre dhe në një veturë pronë e njërit prej tyre, janë gjetur dhe konfiskuar: një armë e shkurtër, pistoletë dhe një AK-47”, është thënë në raportin policor.