BDI, PDSH e LSDM kanë akuzuar sot bashkërisht Vllatko Gjorçevin e VMRO-DPMNE-së për shkak të kritikave ndaj Albin Kurtit, për përkrahjen që ky i fundit ia jep “Revolucionit të larmë”.

Vetëm deputetët e VMRO-së i kanë dalë në mbrojtje deputetit të tyre, Gjorçev, transmeton Aktuale.mk.

Koordinatori i BDI-së Talat Xhaferi dhe deputetë tjerë të kësaj partie, kanë dalë me vërejtje në fjalimin e të premtes të kryetarit të Komisioninit për sistem politik dhe marrëdhënie mes bashkësive Vllatko Gjorçev. Si që kanë pohuar, ai në fjalimin e tij ka mbajtur “fjalim politik me retorikë nacionaliste me të cilën ka dëshmuar urrejtje të madhe ndaj shqiptarëve”.

Vërejtje ndaj qasjes së Gjorçevit kanë dhënë edhe deputetët Rafis Aliti nga BDI, Imer Aliu nga PDSH, Petre Shilegov e Goran Sugarevski nga LSDM.

Gjorçev ka thënë se deputeti Kurti nuk ka vepruar në mënyrë konstruktive dhe nuk mund të pajtohet me faktin se i njëjti deputet ka marrë pjesë në “vandalizimin e institucioneve të Maqedonisë”, informon Aktuale.mk.