“Kosova është një vend me dy milionë banorë, por me origjinë nga ky vend janë lojtarë të jashtëzakonshëm si yjet e Premierligës, Xherdan Shaqiri, Granit Xhaka, Valon Behrami dhe Adnan Januzaj. Por, problemi i tyre është se luajnë me ekipe tjera kombëtare, vendet që i përqafuan familjet e tyre kur 900.000 kosovarë (shqiptarë) u zhvendosën nga lufta. Shumë prej tyre dolën në Zvicër dhe Skandinavi”, thuhet aty.

Sekretari i Federatës së Futbollit të Kosovës, Eroll Salihu, e konsideron këtë moment si special.

“Është një moment special, shumë emocional dhe shumë i rëndësishëm. Ne jemi me fat sepse kemi shumë lojtarë të rinj dhhe strategjia jonë është për të ndërtuar një ekip për 6 deri në 8 vitet e ardhshme, jo vetëm në këtë proces kualifikimi”, ka deklaruar Salihu.

“Daily Mail” komenton më tej interesimin e Xherdan Shaqirit dhe Granit Xhakës për t’iu bashkuar Kosovës. “Interesi i Shaqirit ishte i madh, sidomos kur anësori i Stoke Cityt u anashkalua në procesin e zgjedhjes së kapitenit të Zvicrës para Kampionatit Evropian. Xhaka javën e kaluar lëshoi një letër, pasi që u quajt tradhtar nga disa në Kosovë. AI tha se dëshironte të luante për Kosovën, por nuk e lejoi FIFA, pasi që e kishte përfaqësuar Zvicrën në Evropian”. ”

Gazeta angleze e mbyllë këtë shkrim në faqen online në këtë mënyrë: “Pavarësisht rezultateve, Kosova po e ndërton një të ardhme të madhe në futboll”. /Lajmi.net