Më shumë se sa largimi nga PSG, Dani Alves bëri bujë për mënyrën se si kërkoi “punë”, një ekip të ri, duke publikuar në rrjetet sociale CV e tij.
Sigurisht që për mbrojtësin brazilianin interesimi ishte i madh, erdhën oferta nga më të ndryshmet, por së fundmi Dani Alves i ka dhënë fund spekulimeve teksa ka vendosur për të ardhmen e tij.
Pas një aventure të gjatë në ekipet më të rëndësishme europiane ku fitoi çdo trofe të mundshëm, Dani Alves rikthehet në Brazil për të veshur fanellën e Sao Paolo.
Ka qenë vetë klubi brazilian i cili ka bërë publik arritjen e marrëveshjes me ish futbollistin e Barcelonës, Juves e PSG: “Dani Alves është personifikimi i asaj që duam për Sao Paolon.
Një nga lojtarët më të rëndësishëm në nivel botëror, një person i cili njihet për personalitetin e tij dhe dëshirën për të fituar trofe.
I kisha thënë Dani Alvesit, vijon më tej presidenti Calos Augusto de Barros, se një ditë do të luante për ekipin që dashuron, sot jam krenuar që e mbajta fjalën”, u shpreh presidenti i Sao Paolos. Dani Avles firmosi një kontratë 3-vjeçare deri në vitin 2022.