Familja Ahmeti nga Ponosheci i Gjakovës  është njëra nga shumë familje të Rekës së Keqe që janë larguar nga shtëpitë e tyre pas përmbytjeve të fundit në këtë zonë. Dëmet e shkaktuara si pasojë e vërshimeve janë të konsiderueshme. Përveç dëmeve brenda shtëpisë, familjes Ahmeti i janë mbytur krejtësisht edhe 80 –të koshere bletësh.

Edhe familja Markaj nga Beci është dëmtuar nga reshjet e shiut gjatë 24 orëve të fundit.

Si pasojë e vërshimeve të mëdha në rajonin e Rekës së Keqe, ndërkaq janë dëmtuar dy ura .Ura në fshatin Shishman dhe Ura e Musë Imerit që lidhë krejt fshatrat e Rekës me qytetin në njërën anë dhe  Malësinë e Gjakovës  në anën tjetër , gjatë ditës kanë qenë të pakalueshme për disa orë. Ato seriozisht , rrezikojnë të shemben .

E për  të parë nga afër gjendjen e krijuar ,ka dalë edhe e para e komunës, Mimoza Kusari Lila. Ajo ka kërkuar mbështetje  nga Qeveria e Kosovës  për të sanuar dëmet e shkaktuara nga moti i ligë .

Sipas informacioneve nga tereni gjendje e njëjtë paraqitet edhe në komunat e Dukagjinit , ku janë evidentuar dëme të konsiderueshme materiale.(RTK)