Mediat spekulojnë për zgjedhje të reja – ministri i jashtëm serb jep detaje për ndarjen e Kosovës, shkruan fillimisht media austriake “Der Standard”.
Pas dështimit të tentativës së katërt për krijimin e qeverisë së Kosovës, një sërë mediash ndërkombëtare i kanë kushtuar rëndësi ngjarjeve në Kosovë. “Në parlamentin e Kosovës merrnin pjesë 53 nga 120 deputetët, andaj ishte e pamundur krijimi i qeverisë,” vijon më tej prestigjiozja austriake. “Sipas burimeve mediatike pritet të ketë zgjedhje të reja, ndërsa fajtori kryesor për kaosin politik janë “Krahu i luftës” i konkretizuar përmes koalicionit të udhëheqësve të UÇK gjatë viteve 90-të.”
Kosova në krizë të tejzgjatur
Më tej media austriake shkruan se kriza e stërzgjatur mund të ndikojë shumë keq në Kosovë, pasi “bllokohet normalizimi i marrëdhënieve me Serbinë, i nxitur me ndërmjetësimin e BE.”
Pavarësisht se Kosova është njohur mbi 110 shtete, ministri i jashtëm serb Ivica Dacic kërkon të ndajë Kosovën.
“Veriu i banuar me serbët duhet ti ndahet Kosovës dhe ti bashkohet Serbisë,” shkruan Dacic për të përditshmen serbe “Novosti”, të hënën. Politika ndaj Kosovës deri tani ka rezultuar “tërësisht” e pasukseshme dhe me humbje.
Përveç ndarjes ai kërkon edhe ruajtjen e autonomisë për serbët e mbetur në Kosovën tjetër, si dhe ruajtjen e autonomisë së manastireve serbe si ato në gadishullin Athos të Greqisë.
Por nëse do ndodhte kjo, shqiptarët e Luginës së Preshevës do kërkonin bashkimin me Kosovën. Tentativat e ndryshimit të kufijve është mohuar katërcipërisht nga Uashingtoni dhe Brukseli.