Klan Kosova merr vesh se Drejtori i Shërbimit Korrektues të Kosovës, Sokol Zogaj nuk është në mesin e të suspenduarve në rastin e vdekjes së Astrit Deharit në Qendrën e Paraburgimit në Prizren.

Ministria e Drejtësisë ka bërë të ditur se Inspektorati i saj për shkak të neglizhencës procedurale për këtë rast ka suspenduar ushtruesin e detyrës së Drejtorit të kësaj Qendre, një zyrtar korrektues dhe dy mbikëqyrës.

Astrit Dehari ka vdekur më 5 nëntor në rrethana akoma të paqarta derisa raporti i autopsisë që u bë publik të premten konstatoi se Dehari është vetëvrarë.

Për këto suspendime, Klan Kosova ka raportuar një ditë më parë.