Pas ndryshimeve të pozicioneve të gjykatësve që u bënë në Gjykatën Penale, ushtruesja e detyrës kryetare e Gjykatës Supreme, Snezhana Bajllozova ka përcaktuar orarin e punës në gjykatën më të lartë në Maqedoni, duke bërë ndryshime radikale në vendet e punës, me çka 10-15 gjykatës nga gjithsej 21 do të kenë vende të reja pune.

Disa gjykatës të cilët kanë punuar në Këshillin Penal, duke përfshirë edhe ish-kryetaren Lidija Nedellkova, janë caktuar të punojnë në departamene më pak të rëndësishme siç është ai i kontesteve qytetare. Vetë kryetarja Bajllozova edhe pse është gjykatëse e kontesteve qytetare ka zënë vend në Këshillin Penal ku zgjidhen çështjet më të rënda gjyqësore.