Facebook zbulon se çfarë e shkaktoi ndërprerjen gjashtë orëshe

190

Përmes një postimi zyrtar, Facebook zbuloi se ndërprerja prej gjashtë orësh në platformat e saj duke përfshirë Instagram, Messenger, WhatsApp dhe OculusVR u shkaktua nga ndryshimet e konfigurimit në ruterët e tij.

Kompania tha se këto ndryshime prishën trafikun e rrjetit midis qendrave të të dhënave të kompanisë. Sidoqoftë, ata thanë se nuk ka ende prova që të dhënat e përdoruesve janë komprometuar si rezultat i kësaj periudhe joproduktive, raporton Independent, transmeton Indeksonline.

“Kjo ndërprerje në trafikun e rrjetit pati një efekt kaskadues në mënyrën se si komunikojnë qendrat tona të të dhënave, duke i ndalur shërbimet tona“, vuri në dukje kompania.

Moebel THEMA

Facebook tha se ndryshimet e konfigurimit të ruterit gjithashtu ndikuan në shumë nga mjetet dhe sistemet e brendshme të punonjësve të përdorur në operacionet e përditshme, duke i ndërlikuar përpjekjet e tyre për të diagnostikuar dhe zgjidhur problemin më shpejt.

Lidhur me këtë reagoi edhe CEO Mark Zuckerburg. “Facebook, Instagram, WhatsApp dhe Messenger janë kthyer online tani. Ju kërkojmë falje për ndërprerjen sot – e di sa shumë i mbështetni shërbimet tona për të qëndruar të lidhur me njerëzit e dashur të juaj”, ka shkruar ndër të tjera ai.

Edhe pse ndërprerja zgjati vetëm gjashtë orë – relativisht e shkurtër në krahasim me atë të vitit 2019 që zgjati një ditë – koha e ndërprerjes ka të ngjarë të prekte një numër të madh të bizneseve që mbështeten në Facebook dhe mjetet e tij./Indeksonline/

Comments