Fansat kritikojnë Zoe Kravitz për romancën me ish-in e Taylor Swift, Harry Styles

Fansat e Taylor Swift kanë reaguar pas zërave se shoqja e ngushtë e këngëtares, Zoe Kravitz, po takohet me ish-in e saj, Harry Styles.

Zoe, 36 vjeçe, dhe Styles, 31 vjeç, janë parë duke u puthur në Londër dhe më pas duke ecur krah për krah në Romë, duke nxitur kritika për atë që disa e quajnë “shkelje e kodit të vajzërisë”.

Taylor Swift, 35 vjeçe, kishte një lidhje të shkurtë me Styles midis 2012 dhe 2013, para se të ndaheshin pas një grindjeje të madhe, shkruan DailyMail.

Ndërkohë, këngëtarja është aktualisht në lidhje me yllin e NFL-së, Travis Kelce.

Disa fansa shprehen të shqetësuar për miqësinë e gjatë të Swift dhe Kravitz, duke e konsideruar romancën e mundshme si e çuditshme, ndërsa të tjerë spekulojnë se Taylor mund t’i ketë dhënë “bekimin” e saj.

Burimet raportojnë se Zoe dhe Harry u panë së bashku në Rita’s Bistro në Soho dhe gjatë një shëtitjeje romantike në Itali.

Romanca vjen pas premierës së filmit të Kravitz, “Caught Stealing”, ku ajo u pa edhe me bashkë-yllin Austin Butler duke shijuar kohën së bashku.

Zoe dhe Taylor kanë një miqësi të gjatë, madje Kravitz e ndihmoi Swift gjatë zjarreve shkatërruese në Los Angeles, duke siguruar strehë për të dhe familjen e saj.

Aktorja ka folur gjithashtu për incidentin humoristik me një gjarpër në shtëpinë e Taylor, duke treguar se marrëdhënia e tyre mbetet e fortë pavarësisht përfoljeve për romancën e re.