Federata Ndërkombëtare e Gazetarëve kërkoi lirim urgjent dhe pa kushte të gazetarit, Zoran Bozhinovski.

Në letrën e dërguar deri te presidenti i Republikës së Maqedonisë dhe prokurorit publik, nga Federata e gazetarëve gjykohet arrestimi dhe paraburgosja e tij.

“Arrestimi i gazetarit për aktivitete kriminale pa dëshmi është i papranueshëm në vende të lira dhe demokratike, akuzat e tilla kontribuojnë për diskreditimin e gazetarëve si tradhtar dhe kriminel dhe po e rrënojnë besimin e opinionit në to. Bozhinovski publikoi shumë storie me fakte për përfshirjen e funksionarëve në aktivitete kriminale. Besojmë se arsyeja e vetme e arrestimit të tij është që të pengohet që të publikoje tekste të reja”, qëndron në letrën e Federatës Ndërkombëtare të Gazetarëve.