FOTO/ Një vit nga vdekja e Aylan, simbolit të tragjedisë së refugjatëve sirianë 

199

 

Moebel THEMA

Para një viti, në këtë ditë, tragjikisht humbi jetën vogëlushi sirian tre-vjeçar Aylan Kurdi, trupi i pajetë i të cilit u gjet në fillim të shtatorit të vitit të kaluar në bregdetin e Mesdheut turk.

Anija me 14 refugjatë sirianë u përmbyt në Detin Mesdhe gjatë përpjekjeve për të arritur në ishujt grekë. Pesë persona humbën jetën, duke përfshirë edhe Aylanin tre-vjeçar, trupi i pajetë i të cilit u gjet në një plazh në Bodrum, ndërsa fotografia me pamjen e tmerrshme u përhapën në faqet e para të mediave botërore dhe u bë simbol i vuajtjeve të refugjatëve sirianë në rrugën për në Evropë.

Viti i kaluar mbahet mend për nga fotografia e vogëlushit me fanellë të kuqe, e cila tronditi botën.

Ismail Akar, një nga dëshmitarët okularë të ngjarjes, gazetarëve u tha se atë mëngjes, si dhe gjitha mëngjeset tjera kishte dalë në plazh për të vrapuar. Por, ai vërejti se diçka po ndodhte, sepse kishte parë shumë njerëz të mbledhur në një vend.

“Në rrugën deri te turma takova dy persona të cilët shikonin në të njëjtin drejtim. I pyeta se çfarë po ndodhte. Por, rreth ndodhisë kuptova vetëm kur u afrova në vendin e ngjarjes. Ata e nxorrën trupin e vogëlushit dhe e vendosën në një makinë varrimi”, kujton Akar.

Për atë kjo ishte me të vërtetë trishtuese kur pa trupin e pajetë të vogëlushit.

“Më vonë këtë vogëlush e kam parë vazhdimisht në televizion. Akoma fytyra e tij më del para syve. Ai ishte një djalë i vogël”, tha Akar.

Ugur Ozdogan është dëshmitar i shumë ngjarjeve tragjike në plazhin e Bodrumit. Sipas tij, dhjetëra njerëz kanë humbur jetën gjatë përpjekjeve për të kaluar ilegalisht në Greqi.

Ozdogan tha se nga shtëpia e tij sheh situata të ndryshme, se si fshihen, natën përpiqen të hipin në gomone, por se në këtë rast nuk ka mundur të bëjë asgjë, për shkak se ishin shumë. /AA/

web-refugee-crisis-2-reutersKurdiSmall

epa04910104 Washed up body of a refugee child who drowned during a failed attempt to sail to the Greek island of Kos, at the shore in the coastal town of Bodrum, Mugla city, Turkey, 02 September 2015. At least 11 Syrian migrants died in boat sank after leaving Turkey for the Greek island of Kos.  EPA/DOGAN NEWS AGENCY ATTENTION EDITORSgraphic content  ATTENTION EDITORS: PICTURE CONTAINS GRAPHIC CONTENT ; TURKEY OUT

Alan_Kurdi_lifeless_bodyKurdi

Comments