Një tjetër skaf me drogë është nisur nga Shqipëria për në Itali. Sekuestrohen rreth 510 kg kanabis sativa dhe një person është vënë në pranga.

Mbrëmjen e djeshme rreth orës 21:00 në Torre Veneri, San Kataldo, provinca e Leçes, Itali, pas shkëmbimit të informacionit me Policinë  e Shtetit, Guardia di Finanza e Pulias ka goditur një

tentativë për trafik ndërkombëtar të lëndëve narkotike.

Me gjithë motin shumë të keq dhe detin me dallgë deri në 7 ballë, trafikanti ka provuar të çajë “rrjetën” e policisë, por ka dështuar.

Në bordin e motoskafit të bllokuar, i cili është i gjatë rreth 5.5 metra, Guardia di Finanza sekuestroi rreth 510 kg marijuanë.

Autoritetet arrestuan i riu shqiptar që drejtonte mjetin lundrues, A.M. 29 vjeç. Hetimet vijojnë për identifikimin dhe arrestimin e personave të tjerë të përfshirë në këtë trafik.