Ish-kryeministri i Britanisë së Madhe, Toni Blair, ka zgjedhur këtë vit plazhin e Dhërmiut dhe të Himarës për të kaluar pushimet verore.

Ai ka mbërritur me helikopterin privat rreth orës 17.00 të pasdites dhe është akomoduar tek vilat qeveritare.

Lajmi për mbërritjen e Blair në Dhërmi është konfirmuar nga kryebashkiaku i Himarës, Jorgo Goro, ndërsa raportohet se ish-kryeministri britanik, është takuar me kryeministrin Rama në këto momente në vilat qeveritare në Himarë.