FRI shpall konkurs për punime studentore, pesë më të mirët do të shpërblehen

75

Moebel THEMA

fri-forumi-rinor-islam-780x439

Në kuadër të fushatës “Ta njohim Muhamedin a.s.”, Forumi Rinor Islam përmes një komunikate në Telegrafi Maqedoni, shpall konkurs për punime të studentëve.

Në këtë konkurs mund të aplikojnë studentët e rregullt nga vendi dhe rajoni, të cilët mund të shkruajnë për jetën dhe veprën e Muhamedit a.s., shikuar nga këndi që ata studiojnë.

Konkursi hapet që nga dita e mërkurë, 07.12.2016 dhe zgjat deri më 20.12.2016. Pesë punimet më të mira do të prezentohen para publikut, në panelin e diskutimit që do të organizojë FRI, në sallën e konferencave në Bushi Resort & Spa, Shkup.

Komisioni që do të kontrollojë dhe shpallë punimet më të mira, është i përbërë nga: Mr. Muhamed Murtezi, kryetar i Qendrës për Mirëkuptim dhe Bashkëpunim Institucional, Dr. Drita Mamuti Fazlija, profesoreshë universtitare, Dr. Bashkim Aliu dhe Hasan Baftijari, nënkrytar i Forumit Rinor Islam.

Informacione shtesë:

Punimi duhet të përfshijë 5-10 faqe, i shkruar në Word.

⦁ Pesë më të mirët shpërblehen me nga 50 euro si dhe punimet e tyre botohen.

⦁ Shpallja e punimeve më të mirë bëhet më 22.12.2016.

⦁ Prezentimi i punimeve fituese bëhet më 24.12.2016, me prezentim në PowerPoint me kohëzgjatje 15 minuta, kurse 10 minuta studenti do tu përgjigjet pyetjeve të publikut.

Bashkë me punimin studenti duhet ta dorëzojë edhe fletë aplikacionin e plotësuar.

⦁ Për informata tjera mund të shkruani në e-mailin: info@fri.org.mk

⦁ Fletë aplikimin e gjeni në ueb faqen e FRI-së,  www.fri.org.mk

Comments