Gjuriq për Specialen: Të pastrohet skena politike në Kosovë!

Drejtori i të ashtuquajturës, Zyre për Kosovën në Qeverinë e Serbisë, Marko Gjuriq ka deklaruar se Gjykata Speciale duhet t’i gjykojë krimet e kryera nga Ushtria Çlirimtare e Kosovës dhe të pastrojnë skenën politike kosovare, nga njerëz që janë përgjegjës për krime.

Në një intervistë për RTS, Gjuriq ka theksuar se është e nevojshme që dikush përfundimisht të marrë përgjegjësi për krimet e kryera ndaj popullit serb në Kosovë, transmeton Indeksonline

“Është e nevojshme që dikush përfundimisht të marrë përgjegjësi për krimet e kryera ndaj popullit serb në Kosovë. Ne kemi përvojë të mirë me drejtësinë ndërkombëtare, duhet të demonstrohet se gjykata penalisht seriozisht kriminelët e luftës të cilët janë përgjegjës që 40 mijë serbëve nuk janë më në  Prishtinë dhe 247 mijë serbëve që janë larguar me dhunë, por edhe për mijëra të tjerë të cilët u vranë”, ka thënë Gjuriq.

“Njerëz që personalisht kanë drejtuar operacione dhe janë përgjegjës për krime, s’mund të jenë urë lidhëse për përmirësimin e raporteve në mes serbëve dhe shqiptarëve”, ka thënë ai për RTS.

Ai gjithashtu ka vënë në dukje  se shpresonte që gjykata do të jetë e lirë për të kontribuar në skenën publike në Kosovë si njerëz që personalisht udhëheqin operacionin, thotë ai, mund të jetë një urë e pajtimit ne mes Serbisë dhe Shqipërisë, por duhet të jetë e përshtatshme.