Kryeministri, Ramush Haradinaj ka dënuar sulmin sulmin në Las Vegas që ndodhi këtë të hënë.
Ai ka thënë se solidarizohet me kombin amerikan dhe familjet e viktimave, përcjellë Klan Kosova.
“Jam i tronditur nga lajmet që vijnë nga Las Vegas-i dhe Amerika, ku nga një sulm barbar, mbetën të vrarë dhjetëra dhe u plagosën qindra amerikane dhe amerikanë”, ka thënë ai.
“Ndaj dhembjen time dhe të familjes sime, me familjet e viktimave;
Ndaj dhembjen e popullit kosovar dhe të Qeverisë që unë e drejtoj, me kombin krenar amerikan dhe me Qeverinë e ShBA-së”.
“Egërsia dhe barbaria sot kanë shkaktuar shumë vuajtje në Las Vegas, prandaj në këtë dhimbje qëndrojmë së bashku me familjet e viktimave dhe me ShBA-në”, ka shtuar ai.