Në intervistën e parë që prej kohës kur është gjetur në Irak, tenexherja Linda W. ka thënë se ajo dëshiron të kthehet në shtëpi dhe ajo është e gatshme të bashkëpunojë me hetuesit. Vajza është duke u trajtuar në një spital ushtarak duke iu dhënë ndihma për rehabilitim.
16 vjeçarja gjermane Linda W., e cila kishte jetuar afër qytetit të Dresdenit të Gjermanisë iu është bashkuar thirrjeve të “Shtetit Islamik”, është raportuar nga medat gjermane të dielën.
Një reporter nga Iraki duke iu referuar “Süddeutscher Zeitung” dhe rrjeti i mediave publike “NDR dhe WDR” kanë folur në lidhje me rastin e vajzës e cila është duke u trajtuar në një spital në Bagdad.
“Unë dua të largohem”, tha Linda W. “Dua të dalë nga kjo luftë, larg nga armët dhe zhurma”, u shpreh me fjalë të tjera ajo.Hetuesve ajo ju kishte thënë se ishte vetë 15 vjet kur ajo kishte shkuar në Irak, dhe për të arritur në këtë shtet ajo fillimisht është ndalur në shtetin e Turqisë, pastaj përmes Sirisë ajo ka arritur në shtetin irakian.
Ajo ka udhëtuar për t’u martuar me një luftëtar të IS-it, raportoi “Deutsche Welle”, transmeton Periskopi.
Ajo tha se nuk ka dëshiruar që të shkojë në Mosul, por ajo ishte dërguar me dhunë te ish burri i saj i cili është vrarë pas një kohe të shkurtër.
Më pas luftëtarët e IS-it vazjën e kanë mbajtur të fshehur në një vend afër lumit Tigris.
Kur ushtarët irakianë e kanë gjetur vajzën e re kanë supozuar që i përket minoritetit Yazidi, ku këto të fundit janë mbajtur si skllave nga ushtarët e IS-it.
Por ajo aty ajo ju kishte thënë se “Unë jam gjermane”.
Kur Linda ka filluar të japë intervista për gjendjen e saj, ajo ka kërkuar që të bashkëpunojë me hetuesit.
Një gjyqtar irakian ka urdhëruar që ajo fillimish të trajtohet në aspektin mjekësor.
Ndërsa, familja e saj kur ka dëgjuar për këtë lajm janë shprehur se janë të lumtur që ajo është gjallë./Periskopi/
