Identifikohet shqiptari i vrarë në Janinë

223

Policia greke ka identifikuar shqiptarin e vrarë në fshatin Kiparisia të Janinës, i cili u gjet mbrëmjen e sotme.

Sipas autoriteteve greke, shqiptari është Pandeli Sela 43 vjeç.

Ky i fundit ishte zhdukur përpara disa ditësh dhe ishte denoncuar në polici nga familjarët.

Nga ekspertiza rezulton se shqiptari është vrarë, pasi në trupin e tij u gjetën plagë të shkaktuara nga armë zjarri.


Policia greke gjen në Janinë trupin e pajetë të një shqiptari

Trupi i pajetë i një mashkulli shqiptar është gjetur nga policia greke në Janinë.

Mediat e vendit fqinj raportojnë se shqiptari ka në trup plagë të shkaktuara nga armë zjarri.

Trupi është gjetur në një zonë pranë kufirit Greqi-Shqipëri pas sinjalizimeve nga banorët në fshatin Kiparisia, raporton tch.

Viktima dyshohet se është rreth 40 vjeç dhe është dërguar në morg për ekspertizën e mëtejshme mjeko-ligjore. Sipas policisë greke viktima ishte deklaruar i humbur prej disa ditësh nga familjarët.

Comments