Ikona e bukurisë shqiptare, Agnesa Vuthaj, në pritjen e ëmbël të fëmijës së saj të parë
Viti 2026 ka nisur me lajmin më të bukur për njërën prej ikonave të bukurisë shqiptare. Agnesa Vuthaj do të bëhet nënë për herë të parë.
Ish-Miss Kosova dhe sipërmarrësja e njohur, Agnesa Vuthaj, ka zgjedhur rrjetet sociale për të ndarë me ndjekësit e saj gëzimin e madh që po përjeton. Përmes një videoje mjaft emocionuese, ku shfaqet me barkun e rrumbullakosur, ajo ka konfirmuar zërat që qarkullonin prej kohësh: Agnesa është në pritjen e saj të ëmbël.
Krahas videos që përcjell paqe dhe lumturi, Agnesa ka shkruar një fjali që përmbledh të gjithë rrugëtimin e saj të ri:
“Aty ku një dëshirë plotësohet.” Ky mesazh i ndjerë lë të kuptohet se ky është një moment kulmor në jetën e saj private, duke e konsideruar këtë shtatzëni si bekimin më të madh të fillimvitit.