Justin Bieber ka befasuar ndjekësit me një sërë postimesh të çuditshme në Instagram, përfshirë një fotografi nga afër të thithkës së tij, ku duken qartë tatuazhet dhe qimet.
Kjo fotografi, e shoqëruar me emoji të çuditshëm, është pjesë e një serie imazhesh të pazakonta që këngëtari ka ndarë kohët e fundit, përfshirë detaje të afërta të veshëve, hundës dhe fytyrës.
31-vjeçari, i cili së fundmi ndryshoi emrin në Instagram në @lilbieber, ka ngjallur reagime të përziera nga fansat, me disa që shprehen të shqetësuar për gjendjen e tij mendore. Njëri komentoi “Shko në terapi”, ndërsa një tjetër e cilësoi postimin “të pakuptimtë”, shkruan DailyMail.
Pavarësisht sjelljeve të çuditshme në rrjete sociale, Bieber ka publikuar edhe momente të ngrohta familjare, duke treguar gruan e tij, Hailey Bieber, dhe djalin e tyre 10 muajsh, Jack Blues Bieber, duke luajtur dhe shëtitur së bashku.
Megjithatë, burime pranë çiftit kanë zbuluar për Us Weekly se martesa e tyre po kalon një periudhë të vështirë. Justin, sipas burimeve, po përballet me sfida personale që kanë ndikuar në marrëdhënien me Hailey.
Ajo po përpiqet t’i japë hapësirë që të rikuperohet, por është gjithashtu e shqetësuar për të dhe për fëmijën e tyre.
“Ka qenë një periudhë shumë e tensionuar”, ka thënë një burim i brendshëm. “Por ata janë të përkushtuar ndaj njëri-tjetrit dhe ndaj familjes që po ndërtojnë. Nuk po flitet për divorc. Ata besojnë se janë të destinuar të jenë bashkë dhe do të bëjnë gjithçka për të funksionuar”.
Hailey, e cila së fundmi shiti markën e saj Rhode Beauty për 1 miliard dollarë, mbetet pranë Justin-it, ndërsa ai përpiqet të përballojë vështirësitë.
Në një kohë kur fansat po ndjekin çdo lëvizje të çiftit me interes dhe shqetësim, burimet thonë se, pavarësisht uljeve dhe ngritjeve, Justin dhe Hailey janë ende të bashkuar dhe po luftojnë për martesën e tyre.