Katër anëtarë sirian të organizatës joqeveritare me bazë në Francë, humbën jetën  në goditjet ajrore ndaj caqeve të kryengritësve sirian dhe qendrës mjekësore në qytetin Han Tuman në pjesën jugore të provincës siriane Alepo.

Tani për tani nuk dihet se të kujt ishin aeroplanët që e kanë kryer sulmin, njoftojnë mediat franceze.

Qendra mjekësore që ishte goditur është e Lidhjes së organizatave për ndihmë të shpejtë dhe kujdesje mjekësore,  në të cilën janë mjekët nga diaspora siriane. Sulmi është kryer mbrëmë, me ç’rast kanë humbur jetën edhe nëntë kryengritës të Xhaish al Fatah.