Dje, në orën 15:30, në rrugën “Ilindenska” në Kavadar, oficerët e policisë nga Sektori i Punëve të Brendshme Kavadar kanë arrestuar P.K. (48) nga Kavadari.
Gjatë ndërmarrjes së masave pas një kundërvajtjeje në trafik — konkretisht, pasi ai me veturën “Renault” me targa të Kavadarit kishte parakaluar shtatë automjete të ndaluara në dritë të kuqe në semafor — është konstatuar se ai ka qenë nën ndikimin e alkoolit, me 2.02 promila alkool në gjak.
Ai është ndaluar në stacionin policor, është njoftuar prokurori publik dhe pas dokumentimit të rastit ndaj tij do të ngrihet kallëzim sipas nenit 297-a të Kodit Penal – “drejtim i pamatur i automjetit motorik”.