Federata e Futbollit të Kosovës ka reaguar pas lajmeve se është ndërprerë stërvitja e parë në Bullgari.
Disa tifozë kanë bërë thirrje raciste, duke bërtitur “myte, myte shqiptarin”, por kjo sipas FFK-së, nuk ka qenë asnjë pengesë për të zhvilluar stërvitjet dhe ato kanë shkuar ashtu siç ishte paraparë.
Njoftimi i Federates
Federata e Futbollit e Kosovës demanton raportimet e mediave se stërvitja e sotme në Sofje është ndërprerë për kinse provokimet nga tifozët bullgarë. Raportimet e tilla në prag të ndeshjes janë qëllimkëqija dhe si të tilla ne si FFK i vlerësojmë të dëmshme edhe për atmosferën në ekipin kombëtar. Stërvitja e sotme ka shkuar sipas parashikimeve të stafit të trajnerëve, ku pjesa e futbollistëve që kanë luajtur në ndeshjen e djeshme në Podgoricë kanë bërë vetëm rigjenerim, derisa pjesa e futbollistëve që nuk kanë luajtur kanë ushtruar me intensitet më të lartë. FFK falënderon Federatën bullgare për mikpritjen dhe organizimin e mirë. E gjithë ekspedita e Kombëtares ndihet shumë komod dhe për asnjë moment nuk ka vërejtur ndonjë provokim. Sa i përket raportimeve se ka pasur thirrje raciste, një gjë e tillë nuk është dëgjuar nga pjesa e stafit të kombëtares, por që gazetarët e Supersportit mund ta kenë hasur në rrugë.